Kryetarja e AMA-s Znj. Armela Krasniqi mori pjesë në Mbledhjen e Pestë Plenare të Bordit Europian për Shërbimet Mediatike.
Kryetarja e Bordit hapi takimin me një përditësim mbi ecurinë e zbatimit të Programit të Punës së Bordit për viton 2026, ndërsa Znj. Renate Nikolay, Zëvendësdrejtore e Përgjithshme e Drejtorisë për për Rrjetet e Komunikimit, Përmbajtjen dhe Teknologjinë e Komisionit Evropian, prezantoi zhvillimet më të fundit dhe prioritetet strategjike të Komisionit Europian në fushën e medias dhe shërbimeve digjitale.
Një pjesë e rëndësishme e diskutimeve iu kushtua punës së katër Grupeve të Punës të Bordit, të cilat bashkojnë ekspertizën e autoriteteve rregullatore për hartimin e qëndrimeve dhe produkteve të përbashkëta.
Bordi ka kontribuar në mënyrë aktive në procesin e vlerësimit dhe rishikimit të AVMSD-së, si dhe në mbështetjen e zbatimit të qëndrueshëm dhe efektiv të EMFA-së, veçanërisht në çështje që lidhen me përqendrimet në tregun e medias dhe mbrojtjen e përmbajtjes së ofruesve të shërbimeve mediatike në platformat shumë të mëdha online (VLOPs).
